12-август: COVID-19 менен пневмониянын 304 учуру катталып, 263 бейтап айыкты

Кыргызстанда бир сутка ичинде COVID-19 U07.1 жана U07.2 инфекциясы 304 адамдан аныкталды. Бул тууралуу Коомдук саламаттыкты сактоо башкармалыгынын башчысы Айнура Акматова брифингде билдирди.

Маалыматка ылайык, коронавирус инфекциясы 78 адамдан, пневмония 226 адамдан аныкталды.

Жаңы учурлар: 

Бишкек шаарында– 88;
Ош шаарында – 21;
Чүй облусу – 27;
Ош облусу – 42;
Талас облусу – 7;
Нарын облусу – 11;
Ысык-Көл облусу – 37;
Жалал-Абад облусу – 28;
Баткен облусу – 43.

Бардыгы болуп илдет башталгандан бери жалпы 40  759 учур катталды.

Бир сутка ичинде Кыргызстан боюнча коронавирустан жалпы 263 жаран айыгып чыкты. Муну менен өлкө боюнча коронавирус илдетинен жалпы 33 027 жаран айыгып, ооруканадан чыгарылган.