14-июнда Бишкектин айрым райондорунда суу өчүрүлөт

Бишкек шаарынын мэриясы 14-июнда борбор калаанын чыгыш бөлүгүндө бир күн бою суу болбой тургандыгын билдирди.

Маалыматка ылайык, саат 09:00дөн 22:00гө чейин турак жайларга, социалдык жана өндүрүштүк объектилерге суу берүү токтотулат. Бул учурда "Сельский" суу кампасында профилактикалык иштер жүргүзүлөт.

Мындай чектөө Тунгуч кичи районунда, Рухий-Мурас жана 44Га жаңы конуштарында болот. Калаа мэриясы келтирилген ыңгайсыздыктар үчүн шаардыктардан кечирим сураган.