14 жаштагы кыздын өлүмүнө шектелгендердин өлүмү боюнча териштирүү башталды

Жазаларды аткаруу кызматынын төрагасынын орун басары Кемел Садыков Ош шаарындагы тергөө абагында өз жанын кыйган шектүүлөр боюнча маалымат берди.

Анын айтымында, шектүүлөрдүн өлүмүнө байланыштуу иликтөө иштери жүрүп жатат.

"Азыркы учурда тергөө абагында каза болгон шектүүлөрдүн өлүмүнө байланыштуу териштирүү иштери башталды. Тергөө соңунда кошумча маалымат берилет",- деди Садыков.

Эскерте кетсек, 4-декабрга караган түндө Ош шаарынын тергөө абагында Кадамжай районунда 14 жаштагы кызды зордуктап, мыкаачылык менен өлтүрүүгө шектелген эки жаран асынып каза болгон.