15-16-майда Бишкек менен Чүйдө айрым көчөлөргө унаа кыймылына маал-маалы менен чектөө киргизилет

15-16-май күндөрү Бишкек шаары менен Чүй облусунун айрым көчөлөрүндө унаа кыймылына маал-маалы менен чектөө киргизилип турарын Жол кыймылы коопсуздугун камсыздоо башкы башкармалыгы билдирди.

Маалыматта мындай чара Малайзиянын премьер-министринин Кыргызстанга болгон сапарына байланыштуу көрүлүп жатканы айтылат.

Жабыла турган жолдор:

• Фучик көчөсү — “Манас” аэропортунан Жибек Жолуна чейин; 

• Жибек Жолу проспекти — Фучиктен Манас проспектине чейин; 

• Манас проспекти — Жибек Жолунан “Ала-Арча” мамрезиденциясына чейин;

• “Ала-Арча” мамрезиденциясынан “Ата-Бейит” мемориалдык комплексине чейин.

ЖКККББ мамлекеттик маанидеги иш-чара учурунда аталган көчөлөрдө автоунааларды калтырбоону, жол кыймылын жөнгө салган кызматкерлердин талабын аткарууну өтүндү.