2024-жылдын жыйынтыгы боюнча Кыргызстандын ИДПсы 1,5 триллион сомдон ашты

2024-жылы Кыргызстандын ички дүң продукциясынын (ИДП) өсүшү 9 пайызды түздү. Бул тууралуу Улуттук статистикалык комитеттен билдиришти.

Өткөн жылдын аягында ички дүң продукциянын көлөмү 1,5 триллион сомдон ашты. Кызмат көрсөтүү тармагы 52,1 пайызды, товардык өндүрүш тармагы 33,4 пайызды, продукцияга салык 14,5 пайызды түздү.

Кошумчалай кетсек, Экономика министрлиги ИДПны 1,4 триллион сом деп болжолдосо, Евразия өнүктүрүү банкы ИДПнын өсүшүн 8,7 пайыз деп атаган.