27-июль: COVID-19 менен пневмониянын 483 учуру катталып, 817 бейтап айыкты

Кыргызстанда бир сутка ичинде COVID-19 U07.1 жана U07.2 инфекциясы 483 адамдан аныкталды. Бул тууралуу Коомдук саламаттыкты сактоо башкармалыгынын башчысы Айнура Акматова билдирди.

Маалыматка ылайык, коронавирус инфекциясынын 149, пневмониянын 334 учуру катталды.

Жаңы учурлар: 

Бишкек - 154;
Ош – 59;
Чүй облусу – 21;
Ош облусу - 39;
Талас облусу – 27;
Нарын облусу – 9;
Ысык-Көл облусу – 72;
Жалал-Абад облусу – 70;
Баткен облусу - 32.

Бардыгы болуп илдет башталгандан бери жалпы 33 296 учур катталды.

Бир сутка ичинде Кыргызстан боюнча коронавирустан жалпы 817 жаран айыгып чыкты. Муну менен өлкө боюнча коронавирус илдетинен жалпы 21 205 жаран айыгып, ооруканадан чыгарылган.