3 миң калды. Кыргызстандын калкынын саны 6,97 млн адамды түздү

Өлкө калкынын саны ушул жылдын 1-августуна карата 6 миллион 977 миң адамды түздү. Бул тууралуу Улуттук статистика комитети кабарлады.

Маалыматта айтылгандай, эл каттоонун жыйынтыгы боюнча, өлкөнүн туруктуу элинин саны 13 жылдын ичинде 1,6 миллион адамга көбөйгөн.

"Калктын жыл ичиндеги өсүү темпи 2,1 пайызды түздү", — деп жазылат маалыматта.

Комитет бул жылдагы эл каттоону эки этапта өткөрдү.