Абдил Сегизбаев ИИМге суракка эмне үчүн чакырылганы белгилүү болду

Ички иштер министрлигинин Тергөө кызматына Абдил Сегизбаев чакырылып тергөөгө тиешелүү суроолорго жооп берген соң кайра үйүнө кеткен. 

ИИМдин Басма сөз кызматы билдиргендей, Абдил Сегизбаев “Полит Узник” баракчасынын админстратору Ырыс Жекшеналиев интернетте жарыялаган маалыматы боюнча: “Интернетте тараган видео бул 2020-жылдагы Президенттик шайлоолор убагында видео экендигин, андан бери эч кандай соцтүйүндөргө жана интернет булактарына эч кандай постторду же маалыматтарды жарыялабагандыгын айтып берди. Анын айткандары толугу менен текшерилди. 

Учурда тергөөгө тиешелүү иш чаралар уланууда.