2022-жылдын 13-июнунда Кыргыз Республикасынын БУУдагы Туруктуу өкүлү Аида Касымалиева менен ЮНИСЕФтин Европа жана Борбордук Азия боюнча кеңсесинин аймактык директору Афшан Хан айымдын жолугушуусу болуп өттү. Бул тууралуу Тышкы иштер министрлигинин маалымат кызматы билдирет.
Маалыматка караганда, жолугушуунун жүрүшүндө тараптар Кыргызстан менен БУУнун Балдар фондунун ортосундагы өз ара аракеттенүүнүн актуалдуу маселелерин талкуулашты. Аида Касымалиева ЮНИСЕФтин 2023–2027-жылдарга өлкө программасын Кыргызстандын мамлекеттик мекемелери менен биргеликте иштеп чыгуудагы аракеттери үчүн ыраазычылык билдирди.
Кыргызстандын Туруктуу өкүлү ошондой эле үстүбүздөгү жылдын сентябрь айында өтүүчү ЮНИСЕФтин Экинчи сессиясына кыргыз тарап активдүү катышаарын, анда өлкөлөрдүн анын ичинде Кыргызстандын да программалык документтери карала турганын белгиледи.
Пикирлер (0)
Пикир жок. Сиз биринчилерден болушуңуз мүмкүн