Баткен районунун Ак-Сай айылы менен чектеш Тажикстандын Кожо-Аъло айылындагы курулуш иштери токтотулду. Бул тууралуу президенттин Баткен облусунун ыйгарым укуктуу өкүлчүлүгү билдирди.
Маалыматка ылайык, эки тараптуу сүйлөшүүлөрдүн натыйжасында тажик тарап такталбаган аймактагы курулуш иштерин токтотту.
30-октябрда Баткендеги аталган аймакка тажик жарандары тарабынан көпүрө үчүн курулуш иштери жүргүзүлүп жатканы аныкталган.
Аталган факты боюнча Тажикстандын Хожа-Алъо айылындагы чек ара башчысы менен "Көк-Таш" чек ара постунун башчысы сүйлөшүү жүргүзгөн. Ошондой эле бул маселе боюнча Ак-Сай жана Чорку айылдарынын башчыларынын да сүйлөшүүсү болуп, курулуш иштери толугу менен токтотулган.
Пикирлер (0)
Пикир жок. Сиз биринчилерден болушуңуз мүмкүн