Министрлер кабинетинин төрагасы Акылбек Жапаров Санкт-Петербург шаарына болгон жумушчу сапарынын алкагында "Газпром" ишканасынын директору Алексей Миллер менен жолукту. Бул туурасында өкмөттүн маалымат кызматы билдирди.
Анын алкагында газ менен жабдуу тармагында Кыргызстан менен Россиянын ортосундагы эки тараптуу кызматташтык маселелери талкууланган.
Жапаров эки өлкөнүн ар тараптуу кызматташтыгы тереңдеп, туруктуу өнүгүү жолунда бара жатканын белгилеген. Өз кезегинде Милллер Кыргызстан "Газпромдун" ишенимдүү өнөктөшүү болуп саналарын айткан.
"Биздин энергетика жаатында жана газ боюнча кызматташууда мамилелерибиз аябай бекем. Мындай кызматташтыкты өнүктүрүүнүн чоң потенциалы бар экенине көзүбүз жетип турат", — деди Миллер.
Ошондой эле тараптар Кыргызстанда компания тарабынан социалдык маанилүү долбоорлорду ишке ашыруу боюнча күн тартибиндеги маселелерди карашканы айтылды.
Пикирлер (0)
Пикир жок. Сиз биринчилерден болушуңуз мүмкүн