Аксыда сел агызып кеткен 5 жаштагы бала табыла элек

Аксы районунда 12-июль күнү сел агызып кеткен 8 адамдын ичинен 5 жаштагы бала табыла элек. Бул тууралуу Өзгөчө кырдаалдар министрлиги кабарлады.

14-июль күнү издөө иштеринин натыйжасында 2018-жылы туулган кыздын жансыз денеси табылган. Ал эми 2016-жылы туулган бала табыла элек. Издөө иштери кечээ кечки саат 18:00дө убактылуу токтотулган, бүгүн, 15-июль күнү да улантылат.