Аламүдүн базарында мурдагы аялына 16 жолу бычак сайган жаран кармалды

Патрулдук милиция башкармалыгынын кызматкерлери Аламүдүн базарында аялга кол салып, бычак менен сайып салган жаранды кармашты.

Жабырлануучу 1984-жылы туулган М.Г. Ал денесинин ар кайсы жеринен 16 жолу бычактан жаракат алган. Кылмыш болгон жерге милиция кызматкерлери барышып, текшерүү учурунда аялга күйөөсү 1973-жылы туулган Х.К. жаракат жеткиргени аныкталды. Учурда ал Свердлов райондук ички иштер бөлүмүнө өткөрүлүп берилди.

Эске салсак, окуя өзү 16-июль күнү кечинде Аламүдүн базарынын аймагында болгон. Аял контейнерди жаап жаткан учурда бир киши ага ондон ашык бычак сайган. Башка сатуучулар кол салганды кесиптешинин мурунку күйөөсү деп таанышкан.