Аламүдүн районунда 17, 14 жаштагы кыздар жана 10 жаштагы бала сууга чөгүп кетти

Аламүдүн районунда үч өспүрүм сууга чөгүп кетти. Бул тууралуу ӨКМнын маалымат кызматы билдирди.

20-июнь күнү Аламудун районунун Аламүдүн айылында, "Кыргызстан" жаны конушунда жайгашкан суу сактагычка 2011-жылы туулган М.И.С чөгүп кеткен. Баланын жансыз денеси суудан жергиликтүү тургундар тарабынан чыгарылган.

 Ошондой эле, Аламүдүн районунун Гроздь айылындагы 3-суу сактагычына 2 кыз: 2004-жылы туулган Ж.к.А жана 2007-жылы туулган С.Ж. чөгүп кетишкен. Куткаруучулар саат 18:07де жерине жеткенде Ж.к.А.нын жансыз денесин эс алып жүргөн адамдар суудан чыгарышкан. Экинчи кыздын денесин куткаруучулар 18:24тө суудан таап алып чыгып, ИИМ кызматкерлерине өткөрүп беришкен.