Албек Ибраимов аралашты деп шектелген иш боюнча Нурсултан Белеков кармалды

 

“Манас Менеджмент Компаниясы” ЖАКнын мурдагы президенти Нурсултан Белеков кармалганын 24.kg маалымат агенттиги жеке булактарына таянуу менен жазып чыкты. Андагы маалыматта айтылгандай, Белеков Эл аралык “Манас” аба майданындагы ири коррупциялык фактыга шектелип камакка алынган.

“Бул кылмыш ишинде Албек Ибраимов, Эмир Чукуев сыяктуу Эл аралык “Манас” аба майданын жетектеген адамдардын аты аталууда”, - деп жазат алган агенттик. 

Эскерте кетсек, Бишкектин мурдагы мэри, Эл аралык “Манас” аба майданынын экс-президенти Албек Ибраимов 5-6-октябрдагы тополоңдо чыгып кетип, ошол боюнча табыла элек. Аны укук коргоо органдары эл аралык издөө жарыялап, бүгүнкү күндө качып жүрөт.