Саясатчы Алмамбет Шыкмаматов "Супер ТВ" каналындагы "Саясий коктейль" берүүсүндө маек берип жатып Кыргызстан азырынча парламентаризмге даяр эмес экенин билдирген. Ал партия лидерлери парламентаризм деген шылтоону жамынуу менен каалаганын жасаганын айткан.
“Парламентаризмге биз даяр эмес экенбиз. Анын үстүнө Конституциядан катачылык кеткен. Эми ошону оңдоп, качандар бир учурда экономикалык жактан өнүккөндө, укуктук нигилизм жок болгондо, элибиз ынтымакка келип, мамлекеттин келечегин ойлогондор бийликке умтула баштаганда карап көрөлү деген ойдоймун. Ал эми “6 хан” дегенди жөн коюп, ал жерде 6 демократ болушу керек”, - деген ал.
Ошондой эле Шыкмаматов партиялар алардын лидерлеринин жеке фирмасына айланып калганын айтып, ушул көрүнүш да парламентаризмдин өнүгүшүнө тоскоол болгонун кошумчалаган.
Пикирлер (0)
Пикир жок. Сиз биринчилерден болушуңуз мүмкүн