Алмазбек Атамбаевдин соту 28-майга жылды

Мурдагы президент Алмазбек Атамбаевдин соттук иши 28-майга жылдырылды. Бул тууралуу Жогорку Соттун басма сөз кызматынан билдиришти.

Маалыматка ылайык, бүгүн, 26-майдагы отурумда сот күбөлөр М.К.Кайкиев, Г.С.Байборуевди суракка алган. Андан соң күбө К.Б.Калмуратов суралган.  Кийин түштөнүү убактысы болуп калгандыгына байланыштуу сот саат экиге чейин тыныгуу жарыялап, түштөн кийин айыпталуучу Алмазбек Атамбаевдин жактоочулары келген эмес. Буга байланыштуу отурум 28-майга саат 14:00гө жылдырылган.