Эл аралык байланыштар боюнча комитетти жетектеген америкалык сенатор Боб Менендес кыргыз президентин Орусия Украинага басып киргенден кийин Батыш Москвага киргизген санкциялардан качууга жардам берүүнү токтотууга үндөдү, деп билдирет “Америка үнү”.
Менендес президент Садыр Жапаровго жолдогон катында Украинада согуш башталгандан бери Кыргызстан менен Россиянын ортосундагы импорттук-экспорттук операциялардын көлөмү кыйла өскөнүн белгиледи.
"Ошол эле учурда кыргыз бийлиги мындай сооданы жөнгө салбай, коргонуу буюмдарын, анын ичинде учкучсуз учактарды, учактын тетиктерин, курал-жарактын тетиктерин жана микросхемаларын мыйзамсыз ташып келүүчү Орусия менен иш жүзүндө шериктеш болуп калды", - деди ал.
«Сиздин өкмөттү санкциялардан качуу боюнча бул олуттуу айыптоолорду тез арада иликтеп чыгууга жана сиздин аймагыңыз аркылуу товарлардын мыйзамсыз агымына бөгөт коюу үчүн катуу процедураларды түзүүгө чакырам», — деп айтылат кыргыз президентине жолдонгон катта.
Менендес “Кыргызстандын Орусияга каршы эл аралык санкцияларды аткарбай жатышы... өлкөдө демократиядан артка чегинүүнүн жана адам укуктарынын кеңири бузулушунун белгиси” деп тынчсыздануусун билдирди.
Сенатор азыркы бийлик «журналисттердин жана көз карандысыз маалымат каражаттарынын укуктарын бир нече жолу бузуп, укук коргоочуларды куугунтуктап, жарандык коомдун өкүлдөрүнө чектөөлөрдү киргизгенин» баса белгиледи.
"Борбор Азиядагы демократиянын эталону болгон Кыргыз Республикасы автократияга карай баратат. Мен сизди көз карандысыз маалымат каражаттарына жана журналисттерге болгон бардык чектөөлөрдү алып салууга, камактагы укук коргоочуларды бошотууга жана эркиндик сыяктуу негизги эркиндиктерди чектеген чараларды алып салууга чакырам», - деп кошумчалаган Менендес.
Пикирлер (0)
Пикир жок. Сиз биринчилерден болушуңуз мүмкүн