Кыргыз Республикасынын туңгуч президенти Аскар Акаев абакта олтурган Алмазбек Атамбаев жөнүндө пикирин билдирди. Бул тууралуу ал "Автор тв" каналына берген маегинде билдирген.
Туңгуч президент өзү башкарып турган учур, азыркы Кыргызстандагы абал, үй-бүлөсү жана башка маселелерге токтолгон.
"Ал өзүнүн кадрларын бардык жерге койду. Сапар Исаковду премьер-министр кылып дайындады. Ал өзүнүн ишенимдүү адамы аны угат деп чечип, Жээнбековду президент кылган. Өкмөттүн биринчи жолу конституциялык жол менен алмашканына ошондо кубандым. Бирок Атамбаевдин идеялары ишке ашкан жок. Өзүнүн камалышына өзү салым кошту, анткени буга чейин президенттер камалышы керек деп көп жолу айткан. Менин оюмча, анын отурганы туура эле. Атамбаев коңшу өлкөлөрдүн лидерлери менен урушуп көп зыян келтирди. Ар дайым кошуналарың менен дос болушуң керек",- деп билдирген Акаев.
Пикирлер (4)