Акылбек Жапаровдун 2011-жылы "Кумтөр" Алмазбек Атамбаевдин үгүт өнөктүгү үчүн 10 миллион доллар которду деген билдирүүсү чындыкка дал келебейт, деди Кадырбек Атамбаев өзүнүн Фейсбук баракчасы аркылуу.
"10 миллион АКШ доллары өлчөмүндөгү каражатты "Кумтөр" 2008-2009-жылдары түзүлгөн "Ысык-Көл облусунун социалдык өнүгүү фондуна" которгон. Фонд «Центерра» менен 2009-жылдын 6-июнундагы келишимдин негизинде иштеген. Акылбек Жапаров ошол кезде биринчи вице-премьер-министр болуп турган.
Фонд 2009 жана 2010-жылдары Кумтөрдүн демөөрчүлүгү менен иштеп келген. Эсептөө палатасы тарабынан 2013-жылы Ысык-Көл облусун өнүктүрүү фондусунун жүргүзгөн аудитинин жыйынтыгы боюнча: "... 2009-жылы "Кумтөр Оперейтинг Компаниден" 148 миллион 460,3 миң сом түшкөнү аныкталды... 2010-жылы 349 миллион 753,9 миң сом түшкөн... 2011-жылы 463 миллион 904,5 миң сом түшкөн (баары биригип 10 миллион АКШ доллары)", - деп билдирди К.Атамбаев.
Пикирлер (0)
Пикир жок. Сиз биринчилерден болушуңуз мүмкүн