Жазаларды аткаруу комитети мурдагы президент Алмазбек Атамбаевди сотко жеткирүүдө эч кандай күч колдонулбагынын билдирди. Бул тууралуу ЖАКтын маалымат кызматы билдирүү таратты.
"Алмазбек Атамбаев унаанын ичинде ЖАКтын кызматкерлерин кемсинтип, чыр-чатак чыгарып, орой сөздөрдү айтып, коомчулуктун көңүлүн буруп, ошону менен сот процессине катышпоого аракет кылган. Соттун имаратына жеткирилгенден кийин, машиненин ичинен бут кийимин жана байпактарын чечип, жактоочуларын бул жакка жылаңайлак алып келишкендигине ишендирүүгө аракет кылган" — деп жазылат маалыматта.
Буга чейин Замир Жоошев Атамбаевдин абактан күч колдонуу менен сотко алып келгенин билдирген. Андан кийин Кыйноолорду алдын алуу борбору Атамбаевден кабар алып, анын колу-буту көгөргөнүн ырастаган.
Пикирлер (0)
Пикир жок. Сиз биринчилерден болушуңуз мүмкүн