Атайын эсепке 83 миллион сом чогулду

Коронавирус менен күрөшүү боюнча административдик эсепке 83,5 миллион сом келип түштү. Бул тууралуу Республикалык ыкчам штабдан билдирди.

Маалыматка ылайык, 2-апрелге саат 17.00 карата, өлкө аймагындагы коронавирус инфекциясы менен күрөшүү боюнча иш-чаралар үчүн түшкөн ыктыярдуу төгүмдөрдү жана кайтарымсыз акча каражаттарын чегерүү үчүн ачылган администрацияланган эсепке жалпысынан 83 миллион 472 миң 193 сом акча каражаттар түшкөн.

Ошондой эле, маалыматта ачылган эсептер жөнүндө маалыматтарды Финансы министрлигинин сайтынан тапса болору айтылат.