Кыргызстандын эркин күрөш боюнча курама командасынын мүчөсү Айаал Лазарев Дүйнөлүк лицензиялык турнирде Париж Олимпиадасына жолдомо утуп алды.
Түркияда өтүп жаткан мелдешке кыргызстандык балбан 125 кг чейинки салмак чен бирдигинде 1/8 баскычынан тарта катышты.
Лазарев алгачкы беттешинде ямайкалык Аарон Джонсонду 10:0 эсебинде жеңди. Ал эми 1/4 финалда 11:2 эсебинде өзбекстандык Хасанбой Рахимовдун далысын жерге басып, утуп алды. Лицензия үчүн болгон чечүүчү күрөштө венгриялык Даниэль Лигетини 12:2 эсебинде артта калтырып, Парижге жолдомо алды.
Эскерте кетсек, буга чейин ата мекендик спортчулар Олимпиада оюндарына 10 жолдомо уткан. Анын ичинен спорттук күрөштүн түрлөрү боюнча 9 лицензия бар болчу.
Пикирлер (0)
Пикир жок. Сиз биринчилерден болушуңуз мүмкүн