Аялын бир нече жолу урган жаранга кылмыш иши козголду (видео)

Бишкекте аялынын башына бир нече жолу урган жаранга карата кылмыш иши козголду. Бул тууралуу Свердлов райондук ички иштер башкармалыгынан кабарлашты.

"Бул факты Свердлов РИИБинде Кылмыштардын жана жоруктардын бирдиктүү реестрине Жазык кодексинин 266-беренеси "ээн баштык" боюнча катталып, сотко чейинки өндүрүшкө алынды. Ошондой эле кол көтөргөн киши аялдын жолдошу экени аныкталды. Азыркы учурда тиешелүү тергөө амалдары жүрүп жатат. Толук маалымат кийинчерээк берилет", - деп айтылат маалыматта.