Айыл чарба министрлиги жеке компанияларды жана инвесторлорду кызматташууга чакырат

Суу ресурстары, айыл чарба жана кайра иштетүү өнөр жайы министрлиги жеке компанияларды жана инвесторлорду Ош жана Баткен облустарына соода-логистикалык борборлорду курууга катышууга чакырды.

Долбоор айыл чарба жана кайра иштетүү өнөр жайындагы инфраструктураны өнүктүрүүгө жана жакшыртууга багытталган. Соода-логистикалык борбордун аянты үч гектарды ээлейт.

Максаты — заманбап соода-логистикалык аймактарды түзүү, айыл чарба продукциясын сактоо жана бөлүштүрүү үчүн аянтча берүү аркылуу айыл аймактарын өнүктүрүүгө көмөктөшүү.

Өнөктөш болууда берилген мүмкүнчүлүктөр:

- соода-логистикалык борборлорду каржылоого жана курууга катышуу;

- жер тилкелерин берүү жана каттоо мүмкүнчүлүгү;

- соода-логистикалык борбордун натыйжалуу иштешин камсыз кылуу үчүн өнөктөштүктөрдү түзүү;

- жеңилдетилген кредиттерди берүүгө мамлекеттик колдоо көрсөтүү.

Кызыккан компаниялар жана инвесторлор кызматташуу боюнча толук маалыматты министрликтин сайтынан ала алат.