Айсулуу Мамашова Жогорку Кеңештин депутаты болду

2-февралда Шайлоо жана референдум өткөрүү боюнча борбордук комиссиясы Айсулуу Мамашованы “Альянс” партиясынан Жогорку Кеңештин депутаты кылып каттады.

Ага тиешелүү документтер – күбөлүк жана депутаттык төш белги берилди.

Ал бош мандатты алды.

Буга чейин депутат Фарходбек Алимжанов мандатынан ажыратылганы маалымдалган.

Эске салсак, Мамашова Жогорку Кеңештин 6-чакырылышында “Ата Мекен” партиясынан депутат болгон.