Айзаданын өлүмү боюнча Бишкек шаардык соту мурдагы инстанциянын чечимин күчүндө калтырды

Бүгүн, 21-январда Бишкек шаардык соту ала качуунун курмандыгы болгон 27 жаштагы Айзада Канатбекованын өлүмү боюнча ишти карады.

Айыпталуучулардын жактоочусу аларга чыккан өкүмдү жумшартууну суранган.

Бишкек шаардык соту судьясы кеңешме бөлмөсүнөн чыгып, Биринчи Май райондук сотунун чечимин эч өзгөрүүсүз күчүндө калтырды.

Ага ылайык айыпталуучулардын үчөө 7 жылга, экөө 6 жыл 6 айга эркинен ажыратылган.