Б.Бактыбаев Сокулук айыл өкмөтүнүн башчысы болду

Б.Бактыбаев Сокулук районунун Сокулук айыл өкмөтүнүн башчысы болуп шайланды. Бул тууралуу Борбордук шайлоо комиссиясынын басма сөз кызматы билдирди. 

Маалыматка караганда, шайлоо ушул жылдын 1-сентябрында болуп өткөн. Ага айылдык кеңештеги 21 депутаттын 16сы катышкан.  Добуш берүүнүн жыйынтыгында Б.Бактыбаевди 11 депутат колдосо, “бардыгына каршы” позициясына 5 депутат добуш берген. Муну менен Б.Бактыбаев  Сокулук айыл өкмөтүнүн башчысы болуп шайланган. 

Шайлоонун жыйынтыгы боюнча арыздар түшкөн эмес.