Бактыбек Сыдыков "Манас" аэропортунун жетекчилигинен кетип ордуна Бакыт Шаршеев дайындалды. Бул тууралуу аэропорттун басма сөз кызматы кабарлады.
Маалыматка ылайык, Бакыт Шаршеев "Манас" эл аралык аэропорту "ААКнын жаңы төрагасы катары бүгүн жамаатка тааныштырылган.
«Бүгүн "Манас" эл аралык аэропорту" ААКтын директорлор кеңешинин жыйыны болуп, анын жыйынтыгында директорлор кеңешинин төрагасы Бактыбек Сыдыковдун ыйгарым укуктарын мөөнөтүнөн мурда токтотуу жана Бакыт Шаршеевди директорлор кеңешинин төрагасы - башкы директорлугуна шайлоо жөнүндө чечим кабыл алынды. Ошондой эле кеңештин мүчөсү Абдималик Бусурманкуловдун ыйгарым укуктарын мөөнөтүнөн мурда токтотуп, анын ордуна Жолдошбек Токторбаевди шайлоо чечими кабыл алынды», - деп билдирди басма сөз кызматы.
Пикирлер (1)