Балдар үйүндө каза болгон өспүрүмдүн өлүмү боюнча экспертиза даяр болду

Бүгүн, 30-июнда Сокулук районунун Военно-Антоновка айылындагы балдар үйүнүн тарбиялануучусу Игорь Якуниндин өлүмү боюнча экспертизанын жыйынтыгы даяр болду. Бул тууралуу  Бишкек шаардык милициясынын басма сөз кызматы билдирди.

Буга чейин өспүрүмдүн каза табуу себебин аныктоо максатында соттук-медициналык жана башка керектүү экспертизалар дайындалганы маалымдалган. Ткандардын үлгүлөрү алынып, Республикалык соттук-медициналык экспертиза борборуна гистологиялык изилдөө үчүн жөнөтүлгөн болчу.