Саясатка баруу үчүн көпчүлүгү пандемияны пайдаланышты. Бул тууралуу Борбордук шайлоо комиссиясынын мурунку мүчөсү Жаркын Бапанова «Биринчи Радионун» түз эфиринде билдирди.
Анын айтымында, азыр саясий партиялардын маданияты калыптана элек.
"Азыр көпчүлүгү пандемиядан пайдаланып, ыктыярчы катары жардам бере башташты. Алар дары-дармек жана азык-түлүктөрдү дагы таратышты. Мунун баарын добуш сатып алуу катары эсептесе болот", - дейт ал.
Ошондой эле, ал: "Азыр партиялар өздөрүнүн программалары менен эмес, капчыктын калыңдыгы менен атаандашып жатышат. Шайлоочулар өздөрү добуш берип коюшуп, кайра ошол депутаттарга нааразы болушат", - деп кошумчалады.
Пикирлер (0)
Пикир жок. Сиз биринчилерден болушуңуз мүмкүн