Башкы прокуратура прокуратура органдарында кайрылуулар менен иштөө приоритеттүү багыттардын бири болуп саналарын айтып атайын билдирүү таратты. Буга чейин Садыр Жапаровдун активдүү колдоочусу Бакай Кашкарбаев аталган органдын имаратына барып, аларга карата бир катар сындарды айткан эле.
“Кашкарбаев Бакай аттуу жарандын “Башкы прокуратурада кабыл алуу жүргүзүлбөй жатат”- деген дооматы чындыка дал келбейт, анткени жарандарды кабыл алуу Жобосуна же башкача айтканда эрежесине ылайык жарандар алдын-ала кабыл алууга жазылышып, андан кийин кезек-кезеги менен киришет. Мындан сырткары, өлкөнүн ар бир жараны жеке кабыл алууга белгиленген тартип аркылуу жазылууга укуктуу экендигин маалымдайбыз. Ал эми, прокуратура органдарынын ишине тоскоолдук жаратып, ушуга окшогон далилсиз жүйөлөрүн тараткандарга мыйзам чегинде чара көрүүгө милдеттүүбүз. Анткени ар бир жаран мыйзамды жана анын талаптарын сактоого тийиш”, - деп айтылат аталган билдирүүдө.
Пикирлер (2)