Башкы прокуратура: Борбордук Азиядагы Америка университетинин президенти өлкөдөн чыга албайт

 Борбордук Азиядагы Америка университетинин президенти Эндрю Качинс  Кыргызстандан чыга албайт. Бул тууралуу Башкы прокуратурадан кабарлады. 

Эгер Качинс АКШга кетүүнү көздөсө, анда Улуттук коопсуздук мамлекеттик комитетинин Чек ара кызматы аны колго түшүрө турганын эскертти.

Эндрю Качинс Кыргызстандын Жазык кодексинин жана Жоруктар кодексинин баңгизатка байланыштуу бир канча беренелери менен шек саналып жатат. Өзүнө 3-июнда расмий кабарланганын Башкы прокуратура билдирди.