Батирден чыккан өрттөн улам 5 жашка чыга элек 5 наристе каза тапты

Казакстандын Жамбыл облусундагы беш кабаттуу үйдүн батириндеги өрттүн кесепетинен бир үй-бүлөдөн беш бала каза болду.

Бул тууралуу Казакстан Республикасынын Өзгөчө кырдаалдар министрлиги билдирди.

Маалыматка ылайык, окуя Сарысу районунун Жанатас айылында болгон.

Маалыматка ылайык, өрт жергиликтүү убакыт боюнча саат 15:00 чамасында үчүнчү кабатта жайгашкан 16 чарчы метр аянттагы батирде болгон.

Бөлмөдө 2015, 2016, 2017, 2019, 2020-жылдары төрөлгөн балдар болгон.

Балдар ооруканага жеткирилген, бирок алардын өмүрүн сактап калууга мүмкүн болгон жок.

Өрттүн себеби азырынча белгисиз.

Окуянын чоо-жайы иликтенип жатат.