Батирлерден 82 миң доллар жана 18 миң долларлык буюмдарды уурдоого шектүү жаран кармалды

Батирлерди тоноого шектүү жаран кармалды. Бул тууралуу Октябрь райондук ИИБдин басма сөз кызматы кабарлады.

6-кичи райондун тургуну 18-январда милицияга батиринден 82 миң доллар жана баасы 18 миң долларлык алтын буюмдары уурдалганы боюнча кайрылган. Жалпы чыгым 100 миң долларды түзгөн.

Бул иш КЖБРне катталган.

Октябрь райондук милициянын ыкчам изилдөө тобу аталган уурулукка шектүү жаранды кармаган. Ал 1984-жылы туулган А.М. аттуу жаран болуп чыккан. Ал убактылуу кармоочу жайга киргизилген.

Учурда тергөө амалдары жүрүп жатат.