Баткенде 54 жаштагы аял дайынсыз болууда

Баткенде 54 жаштагы аял дайынсыз болууда. Бул тууралуу Баткен ОИИБдин Басма сөз кызматы билдирди.

Баткен районунун Самаркандек айылынын 51 жаштагы тургуну арыз менен кайрылган. Ал өзүнүн арызында анын эжеси 1968-жылы туулган Мурзалиева Батма Назаркуловна Баткен районунун Самаркандек айылындагы өзүнүн үйүнөн 2022-жылдын 29-август күнү чыгып кеткен бойдон жүргөн жери дайынсыз деп кайрылган.

Белгилери: бою 150-155см, кашы, көзү кара түстө, чачы кыска, кара тору жүздүү, акыл-эси соо.

Үйдөн кандай кийимде чыгып кеткендиги белгисиз.  

"Эгерде төмөндөгү сүрөттөгү аялды көрүп билгендер болсо, Баткен  РИИБнин байланыш номерлерине кабарлап коюуңуздарды суранабыз.

Байланыш номерлер: (03622) 102, 5-17-56, уюлдук тел: 0774 77 86 88, 0554 22 00 74",- деп айтылат маалыматта