Баткенде Тажикстандан контрабандалык жол менен кирген 2 млн 750 миң доллар алынды. Бул тууралуу Улуттук коопсуздук боюнча мамлекеттик комитетинен билдиришти.
Маалыматка ылайык, 5-октябрда Кара-Бак айылынын 41 жаштагы Т.А.М аттуу тургуну башкаруусундагы Mercedes-Benz үлгүсүндөгү унаа токтотулган. Унааны тинтүү учурунда желим баштыктарга таңгакталып алты брикет жана Тажикстандан контрабандалык жол менен кирген 2 млн 750 миң доллар табылып алынган.
Жүргүзүлгөн ыкчам иликтөө иш-чараларынын алкагында мыйзамсыз иш-аракеттерге тиешеси бар болушу мүмкүн болгон Кыргызстандын төрт жараны кармалып, милициянын убактылуу кармоочу жайына камалды.
Топтолгон материалдардын негизинде Кылмыш-жаза кодексинин 231-беренесинин 4-бөлүмүндө (“Экономикалык контрабанда”) каралган кылмыштын негизинде сотко чейинки өндүрүш иштери козголгон.
Учурда козголгон кылмыш ишинин алкагында тиешелүү тергөө жана ыкчам аракеттер көрүлүүдө.
Пикирлер (0)
Пикир жок. Сиз биринчилерден болушуңуз мүмкүн