Баткен облусунда октон жаракат алган өспүрүм балага операция жасалат. Бул тууралуу дарыгер Икрамидин Зулпукаров билдирди.
Маалыматка ылайык, 2014-жылы туулган өспүрүм Баткен облусттук аймактык ооруканасына 7-августта түшкөн.
Зулпукаровдун айтымында, болжолдуу түрдө Калашников үлгүсүндөгү автоматтын огу жабырлануучунун ичинин өйдө тарабынан кирип, белинен чыгып кеткен.
“Өспүрүм бейтапкананын жандандыруу бөлүмүнө жаткырылып, эс учун жоготкон жок. Травматолог жана хирургдардан түзүлгөн консилиумдун чечимине ылайык, өспүрүмгө алгачкы операция жасалган. Алдыда хирургдар диагностикалык операция жасоого камынышууда”, - деди Зулпукаров.
Пикирлер (0)
Пикир жок. Сиз биринчилерден болушуңуз мүмкүн