Баткендеги дары-дармектин запасы канчага жетери айтылды

Өкмөтүнүн Баткен облусундагы ыйгарым укуктуу өкүлү Алишер Абдрахманов бүгүн, 24-июлда болгон брифинг учурунда Баткен облусунда дары-дармектин запасы канчага жетерин айтты.

Анын билдирүүсүнө караганда, облуста коргонуучу каражаттар жана комбинизон, беткап, антисептик сыяктуу каражаттардын бир айлык запасы бар.

“Тагыраагы, беткап 254 миң 502 даана, бир жолу колдонуучу комбинизон 10 миң 451 даана, көп жолу колдонуучу 2 618 даана жана 13 миң даана респиратор бар. Дары-дармектин саны облуста жетиштүү. Эртең дагы 100 упаковка “Клексан” дарысы облустук ооруканага келери күтүлүүдө”, - деди Абдырахманов.

Ошондой эле ал өткөн жумада өкмөт тарабынан облуска 50 кычкылтек концентратору менен бир тез жардам унаасы да берилипгенин кошумчалады.