Базар-Коргондо 14 жаштагы бала 31-марттан бери дайынсыз. Издөө иштери кайрадан жанданды

Базар-Коргон районуна караштуу Кызыл-Үңкүр айыл аймагынын 14 жаштагы М. Ф. аттуу өспүрүмдү издөө иштери 2023-жылдын 16-май күнү кайрадан башталды. Бул тууралуу Өзгөчө кырдаалдар министрлигинин басма сөз кызматы билдирди.

Дайынсыз болгон мектеп окуучунун жакындары кайрадан издөө иштерин жандантып, Кара-Үңкүр дарыясынын жээгин карап берүүсүн суранып райондук Өзгөчө кырдаалдар бөлүмүнө кайрылышкан.

Жерине Базар-Коргон райдук ӨКБнүн 5 куткаруучусу тартылып, издөө жумуштарын алып барышууда. 

Белгилей кетсек, аталган мектеп окуучусу 31-мартта дайынсыз болуп, райондук өзгөчө кырдаалдар бөлүмдөрүнүн куткаруучулары 14-апрелге чейин издешкен. 

Натыйжа болбогондуктан, туугандарынын өтүнүчү менен издөө убактылуу токтотулган.