Министрлер кабинетинин башчысы Акылбек Жапаровдун буйругу менен Самат Исабеков Финансы министрлигине караштуу Мамлекеттик бажы кызматынын төрагасы болуп дайындалды.
Исабековду Бажы кызматынын эмгек жамаатына Министрлер кабинетинин төрагасынын биринчи орун басары Арзыбек Кожошев тааныштырды.
Исабеков буга чейин Бажы кызматын жетектеген. Ал өткөн жылы 7-июнда ошол кездеги өкмөт башчы Улукбек Мариповдун буйругу менен Бажы кызматынын төрагасы кызматына дайындалган. Бирок октябрь айында кайра кызматтан алынган болчу.
Ал эми Бажы кызматынын мурдагы башчысы Адилет Кубанычбеков коррупцияга шектелип, УКМКнын абагына камалган.
Пикирлер (0)
Пикир жок. Сиз биринчилерден болушуңуз мүмкүн