Бектур Асанов ачкачылыгын токтотту

Президенттикке талапкер, мурдагы депутат Бектур Асанов ачкачылыгын токтотту. Бул тууралуу ал брифингде билдирди. 

Бектур Асанов бул чечимди  саясий өнөктөштөрүнүн өтүнүчү менен кабыл алганын белгиледи. Бирок мунун менен күрөш токтоп калбай турганын да кошумчалады. 

Брифингде анын жанында саясатчылар, экс-премьер-министр Феликс Кулов, депутаттар Канатбек Исаев, Каныбек Иманалиев, экс-депутат Равшан Жээнбеков, ички иштер министринин мурдагы орун басары Курсан Асанов чогуу отурушту.

Белгилей кетсек, 27-ноябрда Бектур Асанов мөөнөтсүз ачкачылык жарыялап, анын себебин анын соттук отурумдарынын негизсиз жылдырып жаткандыгында деген эле.