Кечээ, 21-июнда Чүй облусунун Аламүдүн районуна карштуу Беш-Күнгөй айылынын Труд көчөсүндө жайгашкан №116, 117, 118, 129 дачалардан өрт чыккан. Бул тууралуу ӨКМдин маалымат кызматы билдирди.
Маалыматка ылайык, тилсиз жоо менен күрөшүүгө саат 14:27де Октябрь райондук №5 өрткө каршы бөлүктөн 1 бөлүм, буга кошумча саат 15:41де 1 бөлүм, жалпы 2 бөлүм тартылган.
Бул айылдагы 4 турак үй толугу менен өрттөнүп, 100 чарчы метр аянттагы кургак чөп күйгөн.
Өрттүн чыгуу себеби, күбөлөрдүн айтымында, коңшулардын бири эски кийимдерди өрттөп, мындан чыккан жалындын учкундары кургап турган кургак чөпкө андан үйлөргө өткөн.
Пикирлер (0)
Пикир жок. Сиз биринчилерден болушуңуз мүмкүн