Бүгүн "Ынтымак-Ордодо" өткөн президенттик аппараттын коллегиялык жыйынында президенттин жана министрлер кабинетинин чечимдеринин аткарылышын көзөмөлдөө бөлүмүнүн башчысы Азамат Осмонов 2024-жылдагы узакка созулган иш сапарлар жана канааттандырарлык эмес жыйынтыктар тууралуу маалымат берди.
Анын айтымында, Билим берүү жана илим министри Догдуркүл Кендирбаева 2024-жылы 10 эл аралык иш сапарга чыгып, анын жалпы узактыгы 32 жумушчу күндү түзүп, жумуш убактысынын 16,8%ын түздү.
Ал ошондой эле айрым командировкалардын узактыгы боюнча баса белгиледи.
"Мисалы, Австрияга сегиз күндүк командировка өтө эле узак болду",-деди ал.
Мындан тышкары, Азамат Осмонов билим берүүнү санариптештирүү жана кыргыз-кытай университетин түзүү боюнча конкреттүү жыйынтык жок экенин айтты.
“Билим берүү тармагын санариптештирүү жана кыргыз-кытай университетин түзүү боюнча конкреттүү жыйынтыктар жок. Болочок үчүн билим берүү” долбооруна 200 млн доллар тартуу маселеси дагы эле талкуу стадиясында турат.
Министр 2024-жылдын 18-майынан 24-майына чейин Улуу Британияга алты күндүк иш сапары менен барып, окуу китептери жана департаментти кошумча каржылоо үчүн 400 000 доллар чогултуу максатында болду. Бирок, иш сапардын отчетун талдап, алдыга коюлган максаттар аткарылбаганы аныкталды",- деп кошумчалады Азамат Осмонов.
Пикирлер (0)
Пикир жок. Сиз биринчилерден болушуңуз мүмкүн