Бир суткада дагы 50 дарыгерден коронавирус аныкталды

Бир сутка ичинде өлкө боюнча 50 медицина кызматкери коронавирус жуктуруп алганы аныкталды. Бул тууралуу саламаттыкты сактоо министринин орун басары Мадамин Каратаев брифингде билдирди.

Жаңы учурлар:

Бишкек шаарында – 23;
Чүй облусунда – 4;
Ош шаарында – 7;
Ош облусунда – 4;
Нарын облусунда – 6;
Баткен облусунда – 1;
Ысык-Көл облусунда – 5.

Ал эми бир суткада 3 медициналык кызматкер ооруканалардан айыгып чыкты. Муну менен илдеттен сакаган ак халатчандардын саны 503кө жетти.

Жалпысынан республика боюнча COVID-19 диагнозу менен медицина кызматкерлеринин арасында – 1147 учур катталды.