Бир жарым жыл ичинде жол эрежесин 755 жолу бузган айдоочу кармалды

Жол кайгуул кызматкерлери жүздөгөн жол эрежесин бузган унааны табышты, алар “Коопсуз шаар” тарабынан катталган.

Чүй ОИИБинин жол кыймылынын коопсуздугун камсыздоо бөлүмүнүн маалыматы боюнча, 2022-жылдын 30-майынан 2023-жылдын 20-ноябрына чейин Chevrolet Lachetti үлгүсүндөгү унаа 755 жолу жол эрежесин бузуп, «Коопсуз шаар» камерасына түшүп калган.

Бирок айдоочу айып пулду төлөгөн эмес.

Бишкек-Кордай жолунда унаанын ээси кармалды. Унаа убактылуу кармоочу жайга киргизилди.