Бишкек-Будапешт аба каттамы ачылат

Жакын арада Кыргызстандан Венгрияга түз аба каттамы ачылат. Бул тууралуу Венгриянын тышкы иштер министри Бишкекте өтүп жаткан "Борбордук Азия ― Европа биримдиги" форумунда билдирди.

Анын айтымында, Бишкектен Будапештке жумасына эки каттам аткарылып турмакчы.

Каттамды ачуу боюнча сүйлөшүүлөр былтыртан бери жүрүп келет. Апрель айында Венгриянын Wizz Air авиакомпаниясынын жетекчиси Бишкек ― Будапешт ― Абу-Даби аба каттамын ачуу маселесин талкуулоо үчүн учуп келген.