Бишкекте 16-кабаттан кулап түшкөн бала каза болду

20-майда Бишкекте  15 жаштагы бала 16-каабаттан кулап түшүп каза болду. Бул тууралу Биринчи Май РИИБдин басма сөз кызматы билдирди.

20-майда эртең мененки саат 11лер  чамасында ИИМге Исанов көчөсүндө жайгашкан көп кабаттуу үйдүн терезесинен бир жигит кулап кетти деген маалымат түшкөн.

Окуя болгон жерге Биринчи Май РИИБдин тергөө-ыкчам тобу барган.

Милиционерлер 2006-жылы туулган А.Р.нын белгисиз жагдайлар менен  16-кабаттын балконунан кулап кеткенин аныкташкан. Дарыгерлер жигиттин өлүмүн такташты. Ал ошол замат көз жумган.