Бишкекте 4 курулуш компаниясына 17 миңден айып пул салынды

Бишкек шаардык мэриясынын Муниципалдык инспекциясы борбор калаада көрктөндүрүү эрежелеринин сакталышын көзөмөлдөөнү улантууда.

Мэриянын басма сөз кызматы билдиргендей, жол конструкциясын бузгандыгы үчүн бир нече курулуш компаниялары эреже бузгандардын тизмесинде болгон.

«Нур Имарат Курулуш» ЖЧКсы кайрадан көрктөндүрүү эрежелерин бузган. Аталган курулуш ишканасынын оор жүк ташуучу унаасы Ахунбаев көчөсү, 222 дарегинде жолдун бөлүүчү тилкесин бузуп, инспекторлор тарабынан Кылмыш-жаза кодексинин 177-беренесинин 1-бөлүмү боюнча протокол түзүлдү. Айып пулдун көлөмү 17 000 сомду түзгөн.

Ушундай эле мыйзам бузуу "Чыгыш-5" кичи районунда да катталган. Эреже бузуулар кодексинин 177-беренесинин 1-бөлүмү боюнча төшөлгөн асфальтка зыян келтиргени үчүн «Улар» курулуш компаниясы жоопкерчиликке тартылат. 17 000 сом айып пул салынды.

Ошондой эле жолду бузгандыгы үчүн «ДорСтрой Групп» ЖЧКсына протокол түзүлдү. Курулуш компаниясына 17 миң сом айып салынган. Жолду калыбына келтирүү боюнча буйрук чыккан. Жолдун катмары компаниянын эсебинен калыбына келтирилет.

Ал эми Байтик Баатыр көчөсүндөгү 90-үйдөгү тротуар «Легенд Девелопмент» ЖЧКсы тарабынан бузулуп, 17 000 сомго протокол түзүлгөн.