Бишкекте 7 стационар жабылды

Бишкек шаарындагы стационарларга медициналык жардам алууга кайрылган жарандардын саны кыскарып жатат. Бул тууралуу  5-августта мэриянын басма сөз кызматы билдирди. 

Маалыматка караганда, 5-августка караган түнү түнкү стационарларга 173 адам кайрылган. Ал эми бир айда күндүзгү стационарлар 84 миң 689 адамга, түнкү стационарлар 8 миң 688 адамга медициналык жардам көрсөткөн.

Оптимизациялоо максаты менен «Сейтек» мектебиндеги, Жал кичи районундагы № 95 мектептин базасындагы, № 83,№81, №94 мектептериндеги жана «Арал» кафесиндеги күндүзгү стационарлар жабылды. 

Ошондой эле Кара-Жыгач конушундагы түнкү стационар жарандарды кабыл албайт. Азырынча башка стационарлар штаттык режимде иштеп жатат.